महाराष्ट्र नाभिक महामंडळाचे प्रदेशाध्यक्ष श्री. सयाजीराव झुंजार यांचा महाराष्ट्र व गोवा दौरा
मुंबई प्रतिनिधी
श्री.सयाजीराव झुंजार प्रदेशाध्यक्ष, महाराष्ट्र नाभिक महामंडळ
महाराष्ट्र नाभिक महामंडळाच्या संघटनात्मक विस्तारासोबतच समाजाच्या विविध प्रश्नांवर चर्चा, पदाधिकारी व कार्यकर्त्यांशी संवाद, सामाजिक उपक्रमांना उपस्थिती तसेच विविध धार्मिक व सामाजिक कार्यक्रमांना सहभाग या उद्देशाने महाराष्ट्र नाभिक महामंडळाचे प्रदेशाध्यक्ष श्री. सयाजीराव झुंजार यांचा दि. १५ ऑगस्ट ते २० ऑगस्ट २०२६ या कालावधीत गोवा, पुणे व मुंबई असा दौरा आयोजित करण्यात आला आहे.या दौऱ्यामध्ये गोमंतक नाभिक समाजाच्या राज्य अधिवेशनाला प्रमुख पाहुणे म्हणून उपस्थिती, संत सेना महाराजांच्या स्मारक व मंदिराशी संबंधित कार्यक्रम, संघटनात्मक बैठका तसेच ओबीसी कार्यकर्ता बैठक आणि महाराष्ट्र नाभिक महामंडळाच्या वरिष्ठ पदाधिकाऱ्यांची महत्त्वपूर्ण बैठक असे विविध कार्यक्रम होणार आहेत.शनिवार, दि. १५ ऑगस्ट २०२६ कोल्हापूर ते गोवा
स्वातंत्र्य दिनाच्या दिवशी सकाळी कोल्हापूर येथून दौऱ्याची सुरुवात होणार आहे.यानंतर प्रदेशाध्यक्ष सयाजीराव झुंजार हे गोवा येथे गोमंतक नाभिक समाजाच्या वार्षिक राज्य अधिवेशनास प्रमुख पाहुणे म्हणून उपस्थित राहणार आहेत.
या दौऱ्यामध्ये त्यांच्यासोबत खालील पदाधिकारी उपस्थित राहणार आहेत मारुती टिपूगडे आबा, कोल्हापूर प्रदेश सहसचिव तथा कोल्हापूर जिल्हाध्यक्ष मारुती उर्फ पिंटू संकपाळ जिल्हा संपर्कप्रमुख विनायक उर्फ कुमार शिंदे राधानगरी तालुकाध्यक्ष
दुपारी ३.०० ते सायंकाळी ६.०० वाजेपर्यंत गोमंतक नाभिक समाजाच्या वार्षिक राज्य अधिवेशनातील कार्यक्रमांना उपस्थिती व समाजबांधवांशी संवाद होणार आहे.या माध्यमातून महाराष्ट्र व गोवा येथील नाभिक समाजामध्ये संघटनात्मक समन्वय, सामाजिक एकोपा आणि भविष्यातील कार्याची दिशा याबाबत विचारविनिमय होणार आहे.रविवार, दि. १६ ऑगस्ट २०२६ गोवा ते कोल्हापूर
दि. १६ ऑगस्ट रोजी सकाळी गोवा येथून कोल्हापूरकडे परतीचा प्रवास होणार आहे.यानंतर पुढील दिवसाच्या कार्यक्रमासाठी कोल्हापूर येथे मुक्काम व नियोजन करण्यात येणार आहे.
सोमवार, दि. १७ ऑगस्ट २०२६ कोल्हापूर ते वरवंड व यवत
सकाळी १२.०० वाजता वरवंड, ता. दौंड सोमवार दि. १७ ऑगस्ट रोजी सकाळी कोल्हापूर येथून प्रस्थान करून वरवंड, ता. दौंड येथे आगमन होणार आहे.
ग्रामपंचायत कार्यालयासमोर असलेल्या संत सेना महाराज स्तंभाला प्रदेशाध्यक्ष श्री. सयाजीराव झुंजार यांच्या हस्ते भेट देऊन पुष्पहार अर्पण करण्यात येणार आहे.या कार्यक्रमास आप्पा पंडीत तसेच स्थानिक पदाधिकारी व समाजबांधव उपस्थित राहणार आहेत.संत सेना महाराजांच्या विचारांना अभिवादन करून समाजामध्ये सामाजिक एकता, बंधुभाव आणि संघटनात्मक जाणीव अधिक दृढ करण्याचा संदेश या कार्यक्रमातून दिला जाणार आहे.दुपारी २.०० वाजता यवत, ता. दौंड, जि. पुणे यानंतर यवत, ता. दौंड, जिल्हा पुणे येथे श्री संत सेना महाराज मंदिर उद्घाटन समारंभ आयोजित करण्यात आला आहे.यावेळी विठ्ठल-रखुमाई तसेच संत सेना महाराज मूर्ती प्रतिष्ठापना कार्यक्रमामध्ये प्रदेशाध्यक्ष सयाजीराव झुंजार यांची प्रमुख उपस्थिती राहणार आहे.
या कार्यक्रमास प्रमुख मान्यवर म्हणून आमदार श्री. राहुल कूल
मारुती टिपूगडे प्रदेश सहसचिव
बाबासाहेब काशीद पश्चिम महाराष्ट्र विभागीय अध्यक्ष
निलेश पांडे पुणे जिल्हाध्यक्ष
संतोष फडतारे करवीर तालुकाध्यक्ष तसेच महाराष्ट्र नाभिक महामंडळाचे पदाधिकारी, स्थानिक कार्यकर्ते, समाजबांधव आणि ग्रामस्थ मोठ्या संख्येने उपस्थित राहणार आहेत.
दिवसभरातील कार्यक्रम पूर्ण झाल्यानंतर रात्री कोल्हापूर येथे मुक्काम राहणार आहे.
मंगळवार, दि. १८ ऑगस्ट २०२६कोल्हापूर ते पुणे
मंगळवार दि. १८ ऑगस्ट रोजी सकाळी कोल्हापूर येथून पुण्याकडे प्रस्थान होणार आहे.
दुपारी १२.०० वाजता पुणे कार्यालय दुपारी १२ वाजता महाराष्ट्र नाभिक महामंडळाच्या पुणे कार्यालयात प्रदेशाध्यक्ष श्री. सयाजीराव झुंजार यांच्या उपस्थितीत स्थानिक पदाधिकारी व कार्यकर्त्यांसोबत महत्त्वपूर्ण चर्चा होणार आहे.या बैठकीमध्ये संघटनात्मक कामकाज, आगामी कार्यक्रम, स्थानिक पातळीवरील संघटन मजबूत करणे आणि समाजहिताच्या विविध विषयांवर विचारविनिमय करण्यात येणार आहे.या बैठकीस प्रदेश कोषाध्यक्ष रामदास दादा पवार यांची प्रमुख उपस्थिती राहणार आहे.तसेच
बाळासाहेब तावरे . निलेश पांडे जिल्हाध्यक्ष गणेश वाळुंजकर कार्याध्यक्ष . सागर आढाव पिंपरी-चिंचवड शहराध्यक्ष
महेश सांगळे शहराध्यक् देवेंद्र लोखंडे कार्यालय संपर्कप्रमुख
यांच्यासह इतर स्थानिक पदाधिकारी व कार्यकर्ते उपस्थित राहणार आहेत.
दिवसभरातील कार्यक्रम पूर्ण केल्यानंतर रात्री बांद्रा, मुंबई येथील विठ्ठल-रखुमाई मंदिर येथे मुक्काम राहणार आहे. बुधवार, दि. १९ ऑगस्ट २०२६मुंबई ओबीसी कार्यकर्ता बैठक बुधवार दि. १९ ऑगस्ट रोजी मुंबई येथे ओबीसी कार्यकर्ता बैठक आयोजित करण्यात आली आहे.या बैठकीमध्ये महाराष्ट्र नाभिक महामंडळाचे प्रदेशाध्यक्ष सयाजीराव झुंजार प्रमुख पाहुणे म्हणून उपस्थित राहणार आहेत.
बैठकीस दत्ताजी अनारसे
रामदास दादा पवार विष्णू वखरे मराठवाडा विभागीय प्रदेश उपाध्यक्ष यांच्यासह ओबीसी समाजातील कार्यकर्ते व विविध पदाधिकारी उपस्थित राहणार आहेत.सकाळी १०.०० ते सायंकाळी ५.०० वाजेपर्यंत चालणाऱ्या या बैठकीमध्ये ओबीसी समाजाच्या विविध प्रश्नांवर, संघटनात्मक भूमिका, सामाजिक जागृती, आगामी कार्यक्रम आणि समाजाच्या हक्कांसाठी आवश्यक असलेल्या व्यापक संघटनात्मक प्रयत्नांवर चर्चा होणार आहे.
गुरुवार, दि. २० ऑगस्ट २०२६ महाराष्ट्र नाभिक महामंडळाची महत्त्वपूर्ण बैठक गुरुवार दि. २० ऑगस्ट रोजी विठ्ठल-रखुमाई मंदिर, बांद्रा, मुंबई येथे महाराष्ट्र नाभिक महामंडळाच्या वरिष्ठ पदाधिकाऱ्यांची अत्यंत महत्त्वपूर्ण बैठक आयोजित करण्यात आली आहे.या बैठकीचे अध्यक्षस्थान महाराष्ट्र नाभिक महामंडळाचे प्रदेशाध्यक्ष श्री. सयाजीराव झुंजार भूषवणार आहेत. बैठकीस मार्गदर्शक म्हणून दत्ताजी अनारसे
श्यामभाऊ आस्करकर कार्याध्यक्ष रामदास दादा पवार कोषाध्यक्ष घनश्याम वाघ सचिव यांच्यासह महाराष्ट्र नाभिक महामंडळाचे विभागीय अध्यक्ष, प्रदेश उपाध्यक्ष आणि वरिष्ठ प्रदेश कार्यकारिणी सदस्य उपस्थित राहणार आहेत.या बैठकीमध्ये महाराष्ट्रातील नाभिक समाजाच्या संघटनात्मक बांधणीबाबत सविस्तर चर्चा, विविध विभागांतील कामाचा आढावा, आगामी सामाजिक व संघटनात्मक कार्यक्रम, पदाधिकाऱ्यांमधील समन्वय आणि समाजाच्या व्यापक हितासाठी पुढील कार्याची दिशा निश्चित करण्याबाबत विचारविनिमय होणार आहे.बैठक पूर्ण झाल्यानंतर गुरुवार दि. २० ऑगस्ट रोजी रात्री परतीचा प्रवास सुरू होणार आहे.दौऱ्याचा मुख्य उद्देश प्रदेशाध्यक्ष श्री. सयाजीराव झुंजार यांच्या या दौऱ्यामध्ये केवळ विविध कार्यक्रमांना उपस्थिती नसून महाराष्ट्र नाभिक महामंडळाची संघटनात्मक ताकद वाढविणे, राज्यातील विविध भागांतील पदाधिकारी व कार्यकर्त्यांमध्ये समन्वय निर्माण करणे, समाजातील तरुण व कार्यकर्त्यांना संघटित करणे आणि सामाजिक प्रश्नांवर व्यापक चर्चा घडवून आणणे हा प्रमुख उद्देश आहे.गोवा येथील गोमंतक नाभिक समाजाच्या अधिवेशनापासून ते पुणे, दौंड आणि मुंबईतील विविध कार्यक्रमांपर्यंत या संपूर्ण दौऱ्यात समाजाच्या विविध घटकांशी थेट संवाद साधला जाणार आहे.विशेषत मुंबईतील ओबीसी कार्यकर्ता बैठक आणि महाराष्ट्र नाभिक महामंडळाच्या वरिष्ठ प्रदेश कार्यकारिणीची बैठक या दोन्ही बैठका आगामी काळातील संघटनात्मक वाटचालीच्या दृष्टीने महत्त्वपूर्ण ठरणार आहेत.समाजाच्या एकजुटीसाठी एक महत्त्वपूर्ण वाटचाल संघटन मजबूत झाले तर समाज मजबूत होतो आणि समाज मजबूत झाला तर आपल्या सामाजिक हक्कांसाठीचा आवाज अधिक प्रभावी होतो.प्रदेशाध्यक्ष सयाजीराव झुंजार यांच्या नेतृत्वाखाली महाराष्ट्र नाभिक महामंडळाच्या या दौऱ्यातून राज्यातील नाभिक समाजाच्या विविध घटकांना एकत्र आणण्याचा, पदाधिकारी व कार्यकर्त्यांमध्ये समन्वय वाढविण्याचा आणि भविष्यातील सामाजिक व संघटनात्मक कार्याला नवी दिशा देण्याचा प्रयत्न होणार आहे.नाभिक समाजाची एकजूट संघटनेची ताकद समाजाच्या प्रगतीची दिशा!
