गीतांजली गरड गेवराई च्या तहसीलदार
गेवराई प्रतिनिधी
गेवराईच्या तहसीलदार म्हणून गीतांजली गरड यांनी गुरूवार ता. ६ रोजी पदभार स्वीकारला आहे. गुरूवारी शहरात दाखल झालेल्या गजानन महाराज पालखीचे स्वागत करून त्यांनी कामाला सुरुवात केली.
कथित वाळू चोरी प्रकरणात १९ जणांविरुद्ध गुन्हे दाखल झाल्यानंतर, संदीप खोमणे यांच्यावर ही आरोप झाल्याने ते रजेवर गेले होते. नायब तहसीलदार संजय सोनवणे यांच्या कडे तहसीलदार पदाचा पदभार देण्यात आला होता. दरम्यान, गुरूवारी संभाजीनगर येथून आलेल्या गीतांजली गरड यांनी गेवराई च्या तहसीलदार म्हणून काम करायला सुरूवात केली आहे.
