आष्टी प्रतिनिधी
आष्टी तालुका शिक्षण प्रसारक मंडळ संचलित एडवोकेट बी.डी.हंबर्डे महाविद्यालयात नीट परीक्षेत मौजे चिंचाळा येथील ऋषिकेश पांडुरंग पोकळे याने 720 पैकी 650 गुण मिळवून घवघवीत यश संपादन केल्याबद्दल महाविद्यालयाचे प्राचार्य डॉ.सोपानराव निंबोरे,कवी प्रा.सय्यद अल्लाउद्दीन,पर्यवेक्षक प्रा.आशोक भोगाडे,प्रा.आनंद देशमुखे यांच्या वतीने सत्कार करण्यात आला.संस्थाध्यक्ष किशोर नाना हंबर्डे,सचिव अतुल शेठ मेहेर यांच्या मार्गदर्शनाखाली,हंबर्डे महाविद्यालयाचा इयत्ता अकरावी विज्ञानचा हा माजी विद्यार्थी ऋषिकेश पांडुरंग पोकळे याचा सत्कार करताना प्राचार्य डॉ.सोपानराव निंबोरे म्हणाले,ग्रामीण भागातील विद्यार्थी सुद्धा जिद्द,चिकाटी,श्रम करण्याची जिज्ञासा या बळावर कुठल्याही सुख-सुविधा नसताना एवढं यश संपादन करू शकतो.ऋषिकेश पोकळे हे याचे मूर्तिमंत उदाहरण आहे. यावेळी उपप्राचार्य डॉ.बाबासाहेब मुटकुळे, उपप्राचार्य अविनाश कंदले,डॉ.सुनील मुटकुळे, सर्व प्राध्यापक,कर्मचारी,उपस्थित होते.
