कोरोना रुग्ण सेवा समितीचे चौफेर कार्य
गेवराई / प्रतिनिधी
प्रशासन व नागरिक यांच्यामधील दुवा म्हणून सामाजिक बांधिलकीने निष्काम वृत्तीने कोरोना रुग्णसेवा समितीचे सदस्य अहोरात्र रूग्णसेवा करीत असून केवळ तालुकाच नव्हे तर बीड, औरंगाबाद, परळी, अंबाजोगाईच्या रुग्णांनाही अत्यावश्यक वैद्यकीय सुविधा उपलब्ध करून देत आहेत. रूग्णसेवेसाठी सामाजिक कार्यकर्त्यानी स्थापन केलेल्या कोरोना रुग्णसेवा समितीचे सदस्य संजय काळे, बाळासाहेब सानप, दादासाहेब घोडके, संदीप मडके, अक्षय पवार, अॅड. सुभाष निकम, डॉ. अनिल दाभाडे, प्रा. राजेंद्र बरकसे,डॉ. भगवान आतकरे, प्रशांत गोलेच्छा, इतर सदस्य ,पत्रकार बंधूंच्या मदतीने जीवाची, वयाची पर्वा न करता राज्य स्तरावर सी.एम, डीसीएम, आरोग्यमंत्री, पालकमंत्री, वरिष्ठ आयुक्त, जिल्हा शल्यचिकित्सक, आपत्ती व्यवस्थापन समिती प्रमुख, तालुका आरोग्य अधिकारी, उपजिल्हा रुग्णालयाचे वैद्यकीय अधिक्षक आदींना मेलद्वारे, भ्रमणध्वनी, निवेदनाद्वारे बेड, बायोटॅप मशिन, ऑक्सीजन, रक्त, प्लाझ्मा,रेमडीसिवर, लसीकरण, जनजागृती इ. वैद्यकीय सुविधा वाढविणे, पुरविणे, पाठपुरावा करणे याद्वारे अहोरात्र सामाजिक कार्यकर्ते परिश्रम घेत आहेत. कोरोना रुग्ण सेवा समितीच्या या चौफेर कार्याचे समाजातून कौतुक होत आहे.
