विश्वकर्मा मंदिर बांधकामासाठी निधी कमी पडू देणार नाही--अमरसिंह पंडित
=============
गेवराईतील विश्वकर्मा मंदिरात प्राणप्रतिष्ठा सोहळा संपन्न
=============
गेवराई दि.१२ (प्रतिनिधी )
गेवराई येथील विश्वकर्मा मंदिर बांधकामासाठी सर्वात अगोदर आपण पाच लक्ष रूपयाचा निधी मंजूर करुन दिला असून अजून दहा लक्ष रुपयाचा निधी मंजूर करुन देणार आहे, यापुढेही मंदिर बांधकाम आणि विकासासाठी कधीही निधी कमी पडू देणार नाही असे प्रतिपादन माजी आमदार अमरसिंह पंडित यांनी केले. गेवराई येथील विश्वकर्मा मंदिरात श्री. विश्वकर्मा महाराज, श्री गजानन महाराज,
श्री. विठ्ठल रुक्मिणी मूर्ती प्राणप्रतिष्ठा कार्यक्रमात ते बोलत होते.
गेवराई शहरामध्ये पांढरवाडी फाटा येथे भव्य विश्वकर्मा मंदिराची उभारणी करण्यात आली असून आज तेथे तिन दिवसीय प्राणप्रतिष्ठा सोहळ्याचे आयोजन करण्यात आले आहे. आज झालेल्या कार्यक्रमाला माजी आमदार अमरसिंह पंडित यांची प्रमुख उपस्थिती होती. यावेळी जि.प. सभापती बाळासाहेब मस्के, भवानी बँकेचे अध्यक्ष बप्पासाहेब मोटे, विश्वकर्मा वंशीय समाज संघटनेचे संजय बोराडे, अरुण भालेकर, राजगुरू सर आदी मान्यवर उपस्थित होते.
विश्वकर्मा मंदिरात आयोजित करण्यात आलेला सोहळा आजपासून तीन दिवस चालणार आहे. विश्वकर्मा जयंतीदिनी मूर्तीची प्राणप्रतिष्ठा करण्यात येणार आहे. आज शहरामधून तीनही मूर्तीची वाजतगाजत भव्य मिरवणूक काढण्यात आली. तालुक्यातील सर्व समाज बांधव यामध्ये सहभागी झाले होते. याप्रसंगी अमरसिंह पंडित यांनी उपस्थित समाज बांधवांशी संवाद साधला. भविष्यातही मंदिर विकासासाठी सर्वोतोपरी प्रयत्न करणार असल्याचे ते म्हणाले.
या कार्यक्रमाला विश्वकर्मा प्रतिष्ठानचे अध्यक्ष बबनराव सोनवणे, उपाध्यक्ष रमेश सावंत, सचिव भागवत गाडेकर, कोषाध्यक्ष अनिल गायकवाड, शिवाजी झेंडेकर, भास्कर गायकवाड, काशिनाथ सांगुळे, केशवराव नन्नवरे, अनिल गायकवाड, बप्पासाहेब गायकवाड, दिलीप सोनवणे, मधुकर गायकवाड, विश्वकर्मा वंशीय समाज संघटनेचे अशोक गायकवाड, बाबासाहेब सांगुळे, नंदू शिंदे, अभिषेक गायकवाड,विश्वकर्मा जयंती उत्सव समितीचे अध्यक्ष बाळासाहेब गायकवाड, उपाध्यक्ष किशोर वाघमारे, सचिव अक्षय गायकवाड, कोषाध्यक्ष हरी गायकवाड, गणेश पांचाळ, सौरभ झेंडेकर, युवराज कळसकर, सोमनाथ बेलकर,कृष्णा सांगुळे, गणेश सोनवणे, विठ्ठल सांगुळे, विज्ञानेश्वर गायकवाड, बळीराम सोनवणे गणेश गायकवाड, राजाभाऊ गायकवाड, सचिन गायकवाड, अशोक सांगुळे, लहु सोनवणे, दत्ता सांगुळे, नितीन गायकवाड, आदित्य गायकवाड, मुन्ना गायकवाड, बबन गायकवाड, बापू गायकवाड, सुधाकर गायकवाड, रमेश सोनवणे, गणेश नन्नवरे, गणेश सोनवणे, बंडूभाऊ गायकवाड, सुभाष झेंडेकर, एकनाथ भालेकर,सदाशिव सोनवणे, महेश नन्नवरे,श्री पिंपळे,गणेश सावंत, विष्णू वाघमारे, नवनाथ सांगुळे, राजाभाऊ काळे इत्यादी समाज बांधव उपस्थित होते. कार्यक्रमाचे प्रास्ताविक विष्णू सावंत यांनी केले. सुत्रसंचालन शिवाजी झेंडेकर यांनी केले तर उपस्थिताचे आभार अंकुश पांचाळ यांनी मानले.
