गेवराईच्या सिध्देश्वर मंदिरात शिवपुराण ग्रंथराज ज्ञानेश्वरी पारायणाचा भाविकांनी लाभ घ्यावा!
गेवराई (प्रतिनिधी) गेवराई शहरातील सावता नगर भागात दरवर्षीप्रमाणे याही वर्षी श्री. सिद्धेश्वराच्या कृपेने व गुरुवर्य परमपूज्य दिलीप बाबा उर्फ मसाननाथ महाराज घुगे श्री भगवान चिंतेश्वर मंदिर ,गेवराई यांच्या कृपा आशीर्वादाने श्री शिव महापुराण कथा व ग्रंथराज ज्ञानेश्वरी पारायण सोहळा आयोजित करण्यात आला आहे.
येथील तरुण बांधवांच्या वतीने दरवर्षीप्रमाणे याही वर्षी सिद्धेश्वर संस्थान सावता नगर गेवराई येथे सातत्याने धार्मिक अध्यात्मिक सांप्रदाय सेवेतून वेगवेगळे उत्सव समितीच्या वतीने करण्यात येतात यात श्री .राम कथा ,भागवत कथा किर्तन महोत्सव अखंड हरिनाम सप्ताह गेल्या बारा वर्षापासून अखंडितपणे आहे यावर्षी श्री. शिवमहापुराण कथा प्रवक्ते श्री . श्री ह. भ. प. श्रीहरी महाराज रसाळ, व व ग्रंथराज ज्ञानेश्वरी पारायण नेतृत्व सत्यनारायण महाराज लगड यांच्या संकल्पनेतून संपन्न होणार आहे
तसेच दैनंदिन कार्यक्रम पारायणाची वेळ सकाळी साडेसात व शिवपुराण कथेची वेळ संध्याकाळी सात असुन24 मार्च सोमवार रोजी आरंभ होणार असून 31 मार्च रोजी यांच्या ह.भ.प.श्रीहरी महाराज रसाळ यांच्या काल्याच्या कीर्तनाने सांगता होईल. नंतर महाप्रसाद वाटप होईल. परिसरातील भाविकांनी याचा लाभ घ्यावा, असे आवाहन आयोजकांनी केले.
