आष्टी प्रतिनिधी
भावना बाजूला ठेवून पालकांनी विद्यार्थ्यांना कठोर परिश्रम करण्यासाठी प्रोत्साहन देणे गरजेचे आहे. कु.स्मितल राठोड,ऋषिकेश पोकळे या विद्यार्थ्यांनी आपल्या महाविद्यालयात शिक्षण घेऊन नीट परीक्षेत नेत्रदीपक यश संपादन केले आहे. यांचे मी अभिनंदन करतो.भविष्यात कोटा आणि लातूर च्या धर्तीवर आष्टीतही नीट परीक्षेची तयारी वर्ग सुरू करण्याचा मानस आहे.असे संस्थाध्यक्ष किशोर नाना हंबर्डे म्हणाले. आष्टी तालुका शिक्षण प्रसारक मंडळ संचलित एडवोकेट बी.डी.हंबर्डे महाविद्यालयात कु.स्मितल अमित राठोड हिच्या नीट परीक्षेतील यशाबद्दल सत्कार करताना ते बोलत होते.आई-वडिलांचे प्रोत्साहन आणि गुरुजनांचे मार्गदर्शन यामुळे यशाच्या शिखरापर्यंत मी जाऊ शकले,असे कु.स्मितल राठोड यावेळी म्हणाली.विद्यार्थ्यांनी गुणवंत ठरणे हे महाविद्यालयासाठी भूषणावह ठरते,असे प्राचार्य डॉ.सोपानराव निंबोरे म्हणाले. सूत्रसंचालन डॉ.अभय शिंदे यांनी केले. तर उपप्राचार्य अविनाश कंदले यांनी आभार मानले.
