आत्महत्येस जबाबदार असलेल्या पोलिसांवर गुन्हे दाखल करण्यात यावेत यासाठी नातेवाईकांचे जिल्हाधिकारी कार्यालयासमोर अमरण उपोषण
बीड प्रतिनिधी
दिनांक 25 जानेवारी
आनंदा शेरू भोसले यांच्या आत्महत्येस जबाबदार असलेल्या पोलिसांवर गुन्हे दाखल करण्यात यावेत यासाठी जिल्हाधिकारी कार्यालयात समोर 6 फेब्रुवारी 2023 रोजी मयताचे नातेवाईक अमर उपोषण करणार असल्याचे निवेदन काल जिल्हाधिकारी यांचे प्रतिनिधी यांना देण्यात आले.
या निवेदनामध्ये मयताच्या नातेवाईकांनी पुढे म्हंटले आहे की, आनंद शिरू भोसले यांच्यावर आज पर्यंत पोलिसांनी जेवढे गुन्हे दाखल केले आहेत त्यापैकी एकाही गुन्ह्यांमध्ये शिक्षा झालेली नाही. केवळ पारधी समाजाचे असल्यामुळे पोलिसांनी संशयावरून त्रास दिलेला आहे. पोलिसांनी अनेकदा आनंद भोसले यास केवळ संशयावरून अटक करून थर्ड डिग्रीचा वापर करून अमानुषपणे मारहाण केलेली आहे. गेवराई येथील तिहेरी खूनाचे प्रकरणांमध्ये ही त्यास आरोपी केले होते परंतु पुरावे सिद्ध न झाल्याने त्यास 169 प्रमाणे निर्दोष करण्यात आले होते. गेवराई पोलीस स्टेशनचे पोलीस त्याला वारंवार पैशाची मागणी करत होते. म्हणून भोसले यांनी पोलिसाच्या त्रासाला कंटाळून आत्महत्या केलेली आहे. या प्रकरणाच्या संदर्भाने गेवराई पोलीस आणि उपविभागीय पोलीस अधिकारी आरोपीला पाठीशी घालण्याचा प्रयत्न करत आहेत.
आंदोलनकर्त्यांनी दिलेल्या निवेदनामध्ये 1) आनंद शिरू भोसले यास आत्महत्येस प्रवृत्त करणाऱ्या पोलिसांविरुद्ध ॲट्रॉसिटी ॲक्ट नुसार आणी कलम 306 भा.द.वि.प्रमाणे तात्काळ गुन्हा नोंद करण्यात यावा.
2) या गुन्ह्याचा तपास सीबीआय मार्फत करण्यात यावा
3)गेवराई पोलीस स्टेशनचे पोलीस निरीक्षक आणि उप विभागीय पोलीस अधिकारी गेवराई आत्महत्येस प्रवृत्त करणाऱ्या आरोपीस वाचविण्याचा प्रयत्न करत आहेत. त्यामुळे त्यांनाही या प्रकरणात सहआरोपी करण्यात यावे. 4)मयत आनंद शेरु भोसले यांच्या कुटूंबीयाचे शासकीय योजने मार्फत पुनर्वसन करण्यात यावे. या मागण्यांचा समावेश करण्यात आला आहे. या निवेदनावर मयताची पत्नी लता आनंदा उर्फ वाघ्या भोसले आणि मयताच्या बहिणी तारामती अशोक काळे, कावेरी काळे, वैशाली काळे, वैशाली शिंदे यांच्या सह्या आहेत.
